繁忙的一天

今天非常忙碌,因是月尾關係要埋數及下月初的出貨安排.另外,再加上有一位日本同事將要回歸日本,有很多工作會移交給我,希望工作增加之餘不會令我太繁忙啦!!

唉,如不是BB提醒,我都忙到誤了平日的午餐時間,不過可肯定的是我又餓親BB了,SORRY!!

BB,你好神秘呀!!

2個月前開始,每次檢查都會問醫生"BB是小公主定小王子呀?".但每次的答案都是"睇唔到呀,佢夾實左!!""佢都幾怕羞,夾得都幾實喎!!"哈哈..BB是否突地想保持神秘,待出世的一刻才揭曉呢?!

另外,到了現階段,原以為已通過所有測檢一切都定下來,由抽血 --> 唐氏綜合 --> 結構性超聲波,每當等報告時都會很緊張,幸好BB都一一通過.但到了最近才知道原來到了懷孕後期,還需要做妊娠糖尿測試,雖然無家族遺傳,但我個人好喜歡食甜&食飯,這些都可能會導致有糖尿.如果不幸有糖尿是需要入院定時抽血&食營養餐以控制體重的...為了bb及自己身體,我想是時候戒口了,希望不會太遲啦!!

愉快的一晚

日子過得真快,又大一歲了,今後的日子會有老公&bb一齊過,感覺好像很有意義及有目標的.

我今年的生日於一個平靜且愉快的時光裡渡過了,雖沒有精彩節目亦沒有驚喜,但這正是我嚮往的生活,能夠跟家人開開心心的過每一天都是值得紀念的.

之前聽朋友說陀bb到大概7個月時,bb於晚上會活動得很厲害甚至會睡不到,於是我一直在期待.昨晚終於感受到了,因睡至半夜突然痛醒,初初以為自己又抽筋,當清醒時發現原來是bb在做運動,而且做了很長時間,令我睡不著兼不停轉身,連老公都睡不好.所以今日感覺好似有點"遊魂",同埋超累呀!!今晚真的要早點休息...

小妹"牛一"

今年會是我與老公最後的一個二人世界過生日,因以後就會是三人行,所以覺得較特別,亦會好好珍惜!!

前幾天已開始跟很多好友食飯慶祝,真的謝謝您們呀!! 另外昨晚真的很高興,因我比較麻煩總覺得有蛋糕才算過生日,而今年老公亦沒令我失望,"老公你對我真係超好!!"如果沒蛋糕我會覺得有遺憾的...今晚亦會跟老公出街食飯慶祝,又可以去食好野啦.....yeah!!

前兩日搭地鐵出中環時,可能bb知我去接爸爸和我一樣高興,於途中不停於肚裡翻騰.這是我第一次感覺到如此厲害,知道bb的力量加強了,雖然有少少痛但真的很開心...

愛心午餐

昨天食了一個充滿愛心但又食得挺辛苦的午餐!! 就是由老公一早起床為我準備的愛心午餐盒,裡面包括了前晚食剩的(其實是特地煮多的)雞翼,節瓜還有午餐肉炒蛋...點解老公要一早起床準備呢?就是因為要煮麵,他還很用心地用煲湯的湯做湯底煮的,然後放好入袋連餐具,一切都很妥當.

終於BB餓了, 是時候午餐啦...之前老公曾提醒我要加水才"叮",因怕會太咸,"叮"完打開個盒後一陣香味撲鼻(心想一定好好味),跟住再"叮"餸菜盒...當打開餸菜盒後,發現有很多汁浸住了雞翼炒蛋,即時胃口減半,但又很肚餓, 所以就大啖大啖食麵條,點知咸到飛起呀!!但想起老公的心機後又唔忍心就此棄掉...最後都係食了2/3的麵條,而餸菜就食完了.一邊食一邊想"BB辛苦了,但這是爸爸煮的,點都要食少少"...keke...到了下午茶時間,為了補償&獎勵BB乖乖,就食了一件"飛碟"&紅豆冰...yummy yummy!!

懷孕之旅程 (PART 2)

如果你問我現在辛苦嗎?我會答"比起最初的三個月已算不錯了! "因當時有好多突如其來的轉變,例如身體上會無故生粒粒,而數量亦不少,給醫生看過才知道這是懷孕中常見的,但醫生只吩咐要忍著就算癢都不能"R",最好不要塗任何藥膏,那我只好忍著,因好怕"R"完日後會有印...而健康方面亦曾患感冒,雖然看醫生後有給我藥物,但我服了一兩次後,都盡量靠多休息及多喝水,希望能不藥而愈, 其實每當食藥時都會跟BB講"對不起, 係媽媽無用!!"個心會感覺不舒服...另外再加上頭暈經常要在家休息,幸得公司的諒解,令我擔心少了請假的問題...至於飲食我就覺得很有趣,因突然討厭平時喜歡的食物,還開始嗜甜呢!!可樂雪糕本來就唔喜歡,但當時的我會搶老公的可樂,又會偷偷地買雪糕食,好離譜呀!!我當是BB想食,我只滿足BB的需要...KEKE..如果脾氣方面就要問問老公才知道,但相信他已習慣了!其實明白老公都好辛苦,因工作關係他需要香港澳門兩邊走,雖然是少了時間陪伴我,但我知他已將所有可以給的時間都給我了,及每當他回家後都把我照顧得好妥當,一想起他對我的好,已覺得自己很幸福了!!

於懷孕早期,可幸的是我沒有太多害喜,例如嘔吐,食量亦不少,體重當然亦不斷上升,到現在已重了15磅,可能要開始控制體重了,怕重太多對BB及我會有不良影響.

懷孕之旅程 (PART 1)

結婚後數個月裡, 我跟老公都已準備好要當父母. 但由於幾個月都未能成功, 所以開始上網找尋相關資料希望有幫助, 另方面亦開始擔心自己的身體狀況是否有問題...因此就由初初糊里糊塗至曉得計算排卵期以及保養身體方面等等得到好多知識...

基本上每個月到時到候就會等結果, 當然都係失望啦. 於今年4月因自己想放鬆下, 所以再沒有理會排卵期, 亦沒有"就住就住"什麼家務清潔都做(都是較吃力的事項), 飲食方面都比之前放肆, 想食什麼就食什麼...直至某日因公事要上大陸, 返到香港再跟老公晚餐時感覺好累好累, 當時想"可能近來多體力勞動, 所以一到放假時候就散晒!!" 回到家後亦發覺有經期既先兆, 但沒有感到失望因是意料中事. 但過了數天後經期仍未到, 所以我就抱住一check無妨的心態驗下, 得出的就是我期待已久的答案, 但當時又恐怕結果是錯的, 再用了兩款唔同的驗孕棒check, 結果都是一樣. 我便立即致電給老公, 一聽到佢把聲我已經哭泣得很厲害, 我相信當時老公都已被我嚇到半死了...keke

下水禮

終於買了合適的泳衣, 但款式就比較老套. 原本想買件三點式的款式, 但又怕保護不夠 & 明明感覺到老公不太喜歡的, 但事後他又說無問題!! 難道我們溝通有問題?! keke

一早起床食過早餐 & 難得有陽光, 就跟老公興致勃勃地去Blue Blue會所的室外泳池, 一心去享受陽光&游泳的樂趣, 誰知有個水上的嘉年華會於那裡舉行, 而且不予參加. 我們只好去另一會所Green Green, 但那裡只有室內泳池, 都不打緊, 就算少了陽光都沒有破壞我們的興致, 因我已渴望下水很久了. 一下水就感覺很凍手腳彊硬, 但不知何解我只懂大笑, 自己都覺得奇怪!! 另外因我很久沒有游泳及當時泳客也不少, 令我不敢游太遠, 只於人少的位置作短距離來回, 而老公(保鑣)就陪伴在側. 於我休息時, 他才可以盡情地來回, 但很快就會回來陪我, 他真的對我很照顧呀!! 另外可能游泳時我處於開心狀態, 令肚內bb也相當興奮不時郁動!

之後會保持做多些游泳及散步等運動, 希望對血液循環及生bb時會有幫助...

Happy shopping!!

這個weekend跟老公去了吉之島行街, 最初計劃係去睇下隔下價, 去到才知道正做大減價, 見到d bb衫, 汗衣, 紗巾...etc...好kawaii lei & 都係$25-$30, 所以我們行下買下, 埋單盛惠$3xx, 當時真係你眼望我眼 keke. 但呢個只係開始, 所以之後要密切留意哪間bb shop會有promotion...

不知不覺係吉之島已行了2-3小時(開心時間過得特別快!!), 又到了晚餐時間, 因方便及不用排隊所以我們選擇了一間叫"茶軒"的台式餐廳, 叫了一個2人餐(食物只屬一般, 但份量ok)...其實我想講"老公, 真不好意思! 叫了那麼多食物, 但你就食了大部份, 次次都是這樣, 下次叫食物時真的要留意下!! 因我不想你跟我一起增磅..." (因我現時的胃口仍然好反覆, 只能少食多餐.)

近這星期少了抽筋, 但多了血管閉塞(痺)既感覺, 都唔好受, 因都需要起床按摩一下都能舒緩, 所以每晚最少都要起身5-6次. 難怪聽聞很多要工作的孕婦都有睡眠不足的問題, 就算每晚再早些上床sleep都唔掂!!

又到了一星期既開始啦, 要加油!!

bb今日郁得好勁呀!!

琴日收工時雖然好大雨, 但無礙我返娘家dinner, 因我好掛住family, 特別係gigi小公主..

終於等到今日, 因老公今晚會返香港, 唔知係咪bb都知道呢? 今早從起床開始就感覺到bb不停咁郁, 好似好興奮的, 可能bb都掛住爸爸啦!!

新的開始

今天經一位朋友的提醒, 終於的起心肝去開始寫BLOG. 希望可以KEEP住每日寫, 將懷孕既過程紀錄留個紀念!!

近來發現胃口又開始大增, 由初初到而家(5個半月)已經重左18lbs, 希望唔會過重啦. 琴晚先同老公講要食light d既food, 唔好再成日打邊爐&咁heavy既meal, 因我一諗到想食咩, 就好似一定要食, 食唔到的話個日會好down, 都幾奇怪...kekkeke..

另外, 琴晚約了一位女朋友晚飯, 佢bb囡將於下個月初出世, 真羨慕佢已經去到懷孕期既尾聲, 我仲有4個幾月呀!! 我已經成日同自己講要enjoy呢個過程, 但有時真的幾辛苦......